最强9号对决！哈利卡尼同罗拔仔大斗法

xcy232323

拜仁慕尼黑周四(24日)凌晨欧联作客巴塞隆拿，将会系哈利卡尼同罗拔利云度夫斯基两位「最强9号」对决。哈利卡尼今季10场比赛入11球、罗拔仔今季就踢12场入14球，两大射手入波当食生菜。德国前锋汤马士梅拿赛前表示，两人各有特色，拒绝作出比较。
汤马士梅拿曾经同哈利卡尼、罗拔仔合作，被问到边个更劲，呢位老将回应：「唔应该问边个更劲，你可以问边个更适合某球队、边个更适合某对手。所有顶级前锋都有唔同特色，有人好扭得、有人速度好高，哈利卡尼喺射门方面系冇人超越到，但其他前锋都有唔同嘅贡献，冇得咁样比。」
至於哈利卡尼本人，亦非常期待同罗拔仔正面对决：「罗拔利云度夫斯基系神奇球员，系我呢一代入面最佳前锋之一，我好多拜仁队友对佢非常熟悉，对巴塞隆拿肯定非常难踢，但我哋会充满信心咁去面对。」