中场唔够人用！坦哈格焗留基斯甸艾历臣

xcy232323

因为人手短缺，曼联主帅坦哈格自打嘴巴，打算留用畀佢雪到硬晒嘅老将基斯甸艾历臣，至少留到明年1月。
曼联啱啱喺「双红会」净吞利物浦3蛋，中场完全失势嘅输波主因，卡斯米路更加孭晒镬，另一中场美臣蒙特因伤缺阵亦系原因之一，而佢起码仲要抖多一排，麦汤米尼又转投拿玻里，刚加盟嘅文路尔乌加迪又要时间适应，令主帅坦哈格考虑重新起用基斯甸艾历臣。
艾历臣上季曾因长居後备，与坦Sir闹不和，甚至暗寸坦Sir唔识用人，更加冇运行，上场对利物浦只系佢今季首度披甲，都系出得4分钟咁大把，加上剩番1年合约，为免人财两失，仲可以将佢卖畀仍未「闩窗」嘅土超（9月13日）或希腊联赛（9月11日），但依家唔够人用，加上艾历臣都唔想离队，坦Sir惟有死死地气留人。