阿仙奴斟神秘德国国脚 利莱辛尼成大热

xcy232323

英国传媒早前报道，阿仙奴喺欧国盃期间斟洽一名德国国脚，不过为免影响德国比赛，有关球员身份一直保密。随住德国出局，有消息指阿仙奴收购对象为拜仁慕尼黑翼锋利莱辛尼，佢同阿迪达曾经喺曼城合作，今次有望再续前缘。
阿仙奴一直希望引入右翼，分担布卡约沙卡嘅重任，利莱辛尼就成为目标。拜仁签入米高奥利斯後，翼锋位置有人满之患，利莱辛尼成为套现目标，预计4,000万欧元转会费就有交易，最重要系利莱辛尼8年前效力曼城嗰阵，阿迪达就系曼城助教，而且重点教导利莱辛尼、史达宁等翼锋。
利莱辛尼曾表示对阿迪达嘅欣赏：「我对阿迪达只有正面评价，由我哋合作开始，佢就不断改进我嘅足球，话畀我知乜嘢做得好、乜嘢做得唔好，佢同哥迪奥拿成就今日嘅我。阿迪达依家教阿仙奴一样好出色，风格同战术非常明显，佢系好好嘅教练。」