大哨出售高士路 净赚2.34亿

xcy232323

巴西名宿「大哨」朗拿度日前宣布，出售巴甲球队高士路90%股权，售予当地一名商人，据报呢笔交易令「大哨」两年间赚咗3,000万美元(约2.34亿港元)。
「大哨」挂靴後从商，担任西班牙球队华拉度列班主，2021年底买入当时仲喺巴乙嘅高士路90%股权，成为球队班主，当时买入价8,000万美元。
经营球队两年几之後，「大哨」决定卖盘，据报卖盘原因系球队成绩未如理想，球迷唔满意，令佢两面不讨好，近日有买家愿意以1.2亿美元收购佢手上90%股权，佢决定放手。
总计今次买卖，「大哨」用8,000万美元买入球队，期间对球队1,000万美元经费投入，球队由巴乙升上巴甲，两年多之後以1.2亿美元出售，盈利为3,000万美元。
据「大哨」喺IG留言指，新买家柏连奴系巴西第5大零售商，亦即高士路继续有大水喉射住，现时球队喺巴甲开季4战2胜1和1负排第7，开局顺利，而「大哨」卖盘後仍然留喺董事局，系球队一分子。