利物浦搵沙拿接班人 破纪录转会费撬辛尼

xcy232323

       

        利物浦前锋穆罕默德沙拿一直被传会去沙特搵食，「红军」夏天就曾拒绝高达1.5亿镑(约15亿港元)嘅斟介，不过消息指沙拿明年夏天几乎肯定会「过档」，而利物浦亦已做好准备，计划以破球会转会费纪录收购拜仁慕尼黑翼锋利莱辛尼。
        英国《每日镜报》报道，利物浦预期沙拿明年会转投沙特球会，领队高普希望签入顶级球星代替，27岁嘅德国国脚利莱辛尼就系心仪人选，佢同拜仁慕尼黑仲有2年合约，利物浦出价将打破买达云纽尼斯嘅8,000万镑(约8亿港元)球会纪录。
        《利物浦回声报》指出，利莱辛尼早喺2016年加盟曼城前，高普已经想签佢嚟利物浦，利莱辛尼曾经喺访问中承认：「喺加盟曼城前，高普都曾经同我倾过，佢教多蒙特教得好好，喺利物浦亦好出色，我哋喺利物浦见过面，高普系个好好嘅人。」