未来老板点名 卡斯米路系「问题收购」

xcy232323

       

        英国富商拉特克利夫，盛传将会收购曼联25%股份，更会参与「红魔鬼」嘅足球发展事务，据报拉特克利夫认为曼联近年嘅买卖政策唔掂，更点名指巴西中场卡斯米路系「问题收购」。
        英国《衞报》报道，拉特克利夫喺今年3月曾经造访曼联，期间向球会高层表示对近年嘅转会操作有好多疑问，并且以上年高价签入卡斯米路作为例子，证明曼联收购有好大问题。
        曼联喺上年8月，用7,000万镑(约6.7亿港元)向皇家马德里收购卡斯米路，虽然呢位巴西国脚已经30岁，但仍然开出35万镑(约330万港元)周薪嘅4年长约，当佢状态保持巅峰就冇问题，但当佢跌watt就会成为财政一大负担。