子承父业！雷恩斯囝囝正式签约皇马

xcy232323

       

        西班牙球星雷恩斯2019年6月车祸丧生，当时佢个仔啱啱加盟皇家马德里青年军，时隔4年，只有16岁嘅小雷恩斯喺妈妈陪同下，正式同皇马签署职业球员合约，子承父业，相信雷恩斯在天之灵都会觉得安慰。
        小雷恩斯11岁加入皇马青年军，周三(18日)喺个人社交网宣布签署第1份职业合约：「对我嚟讲非常重要嘅一刻，我同皇马签咗第一份职业合约，好多谢球会对我嘅信任，以及家人每日嘅支持，我会尽最大努力去争取最好嘅成绩！」
        小雷恩斯同爸爸一样系攻击球员，代表西班牙U16国家队上阵9场入4球，潜质优厚。雷恩斯喺2019年去世之後，皇马会长皮里兹就保证会将小雷恩斯抚育成人，果然言出必行。