曼联新股东 睇中朴达取代坦哈格

xcy232323

       

        曼联今季成绩欠佳，领队坦哈格备受下台压力，适逢英国富豪拉特克利夫即将收购曼联25%股份，英国《太阳报》指呢位大亨睇中前车路士主帅朴达，一旦坦哈格被炒，就会建议会方聘请朴达接手领军。
        据悉拉特克利夫之所以有意邀请朴达执教曼联，主要原因系旗下集团拍档巴斯福特一直非常欣赏呢位48岁英格兰名帅，早於佢执教白礼顿时期，已经成为佢嘅「忠实纷丝」。熟人介绍之下，自然提升朴达喺拉特克利夫心目中嘅印象分。
        不过，盛传拿玻里都计划换帅，朴达属於新帅热门人选，如果呢支意甲劲旅率先出手，拉特克利夫嘅如意算盘未必打得响。