双喜临门 法比奥韦拉首度做爸爸

xcy232323

       

        阿仙奴中场法比奥韦拉双喜临门，继上仗英超开斋之後，正式宣布首度荣升爸爸，呢位23岁葡萄牙国脚虽然只属於兵工厂副选，但每次上阵都交足功课，依家做咗老窦，相信未来比赛应该会更努力，赚多啲「奶粉钱」，对於佢同球队都系好事。
        法比奥韦拉喺社交网上载1张两夫妇拖住婴儿手仔嘅相片话：「欢迎BB仔来到，我哋最美好嘅日子。」获得近6万网民赞好，恭喜佢做爸爸。事实上，阿仙奴上仗英超对锡菲联前夕，法比奥韦拉已经知道太太即将分娩，当球队获得12码时，队友都好识做，让畀佢主射，就造法比奥韦拉取得今季首个入波，佢当时将皮球放入波衫内扮大肚庆祝，就系为咗迎接囝囝来临。
        法比奥韦拉今季英超上阵6次入1球及贡献2次助攻，一度威胁夏维斯正选位置，阿仙奴将於周四(11月2日)凌晨英联盃作客韦斯咸，相信法比奥韦拉应该可以担正，再次争取入波送畀囝囝。