【有片】60码超级金球！国米赢2比0续坐榜首

xcy232323

       


        周一(13日)凌晨意甲，国际米兰主场2比0击败费辛隆尼，意大利国脚费达历高迪马高开纪录嘅60码超级金球，更被视为今季「最佳入球」大热。
        国际米兰同祖云达斯喺意甲竞争激烈，祖记较早时间主场2比1击败卡利亚里，令国米今场非胜不可。国米今仗虽然控制局势，但迟迟未能打开纪录，直到43分钟，费达历高迪马高左路边线拎波後，突然喺离门60码放冷箭笠入，连队友恩尼森马都双手抱头难以置信！国米换边後再由查汉奴古射入12码，顺利赢2比0，继续以2分压住祖记排榜首。
        国米教练施蒙尼恩沙基赛後表示：「好精彩嘅入波！我相信片段已经喺全世界疯传，其实佢训练嗰阵成日都咁射，我哋已经睇惯晒！当时比赛仲系均势，费辛隆尼组织严密，呢个波为我哋打开局面。」至於费达历高迪马高亦表示：「最初我见到杜费斯走位，之後又见到对手门将企咗出嚟...好彩最後射入咗，如果唔系看台上会有好多羞辱声音出现...呢球绝对系我个人最佳入球。」