爱华顿球迷抗议行动 轰英超赛会贪污

xcy232323

       


        爱华顿因违反财政公平条例，早前被英足总判以史上最严重嘅扣分(10分)判罚，令「拖肥糖」面临降班危机。据报爱华顿球迷已经发动连串抗议行动，周六(25日)更拉队去英超联赛会位於伦敦嘅总部外示威，举起印有「贪污」嘅英超标志牌，认为英格兰足总判决不公。
        近百名爱华顿球迷喺得到警方同意书下，拉队去英超联赛会总部外示威，球迷举行旗帜同纸牌，直指英超联赛会贪污。爱华顿领队戴治日前回应：「我同大家一样震惊，睇返个判罚严重程度，『唔恰当』系球会嘅回应，但呢啲事唔影响我哋要喺球场上面对嘅事情。」
        据报示威行动只系爱华顿球迷连串抗议行动头炮，佢哋已Book无人机，喺曼城对利物浦嘅直播大战中拉横额抗议，周一(27日)凌晨主场对曼联一仗，亦印好38,000张写上「贪污」嘅卡牌派发畀入场球迷，并会喺比赛到10分钟时间，全场高唱「英超赛会贪污」，消息指电视台计划用预录嘅打气声，遮盖球迷嘅抗议声音。