国际足协拟增加VAR权力 比赛时间势激增

xcy232323

       


        足球比赛引入VAR後，发证判决嘅争议有增无减，不过国际足协将研究进一步扩大VAR嘅权力，扩权後可能连罚球、角球嘅判决都管埋，落实嘅话每场比赛时间势必激增，引嚟唔少质疑。
        英国《泰晤士报》报道，国际足协成立嘅VAR小组，周二(28日)会喺伦敦开会，商讨扩大VAR嘅权力范围，目前VAR只能够介入「决定性重大判决」，包括入球、红牌同12码，但如果落实扩大权力，就会连角球、罚球以及「第2面黄牌」都有权覆核，不过呢项建议唔会即时落实，至少要等到明年3月嘅年度大会先可以通过。
        VAR本身畀球迷嘅信任度已经好低，如果再增加权力势必引起更多争议，而且VAR介入范围太大，亦会令比赛时间大幅增加，月初热刺对车路士嘅英超，VAR曾经9度介入令补时长达21分钟。