狼队「训练场事件」 奥尼尔宣布封杀庄尼

xcy232323

       

        近期成绩下滑嘅狼队，上星期发生神秘「训练场事件」，领队加利奥尼尔周二(5日)宣布，将西班牙守将庄尼卡斯度封杀，唔排除以後都唔会再有机会上阵。虽然未知庄尼卡斯度喺训练场发生咩事，但相信系严重违反球队纪律。
        狼队周三(6日)凌晨主场对般尼前，加利奥尼尔证实：「庄尼唔会喺大军名单，上星期训练场发生咗一啲事，球会已经处理，如果佢可以返嚟，我会通知大家，但未来一段时间嘅比赛佢都唔会候命，而训练场上发生嘅事我系唔会公开。」
        29岁嘅庄尼曾3次代表西班牙国家队上阵，2018年由马德里体育会加盟狼队，不过今季长居後备，沦为左、右两闸嘅第3人选，今季只系踢过4分钟英超，佢同狼队合约去到2025年夏天先完结。