纽尼斯新Look劣评如潮 英超最败家前锋

xcy232323

       

        利物浦今季愈战愈勇，进攻火力非常强劲，不过乌拉圭前锋达云纽尼斯嘅表现就受到唔少质疑，日前对富咸一战佢以「孖辫」新造型亮相，但就继续展示超弱嘅把握力，错失2次黄金机会，数据显示佢今季系英超「最败家前锋」，数据同佢个新发型一样咁骇人。
        达云纽尼斯今季各项赛事有7个入波同6次助攻，成绩其实相当唔错，但如果佢嘅把握力同运气好啲，成绩表会更加靓仔。据Understat数据，达云纽尼斯今季英超xG(预期入球)系8.18球，但现实只入4球，负4.18球嘅落差系英超之冠，衰过海伦(负3.01球)同尼高拉斯积逊(负2.29球)，荣登英超败家之王。
        对富咸一仗屡失良机後，大批网民借佢个新Look闹爆：「记得保罗普巴每日换新发型，但表现系灾难，我唔想纽尼斯都系咁」、「呢个孖辫妹系乜水？好似唔识踢波咁」、「老实讲我唔理佢发型点，只在乎佢入唔入到波」、「高普嘅耐性唔会系永无止境」......