美斯再斗C朗！迈亚密访港前先战艾纳斯

xcy232323

       

        有阿根廷球星美斯压阵嘅国际迈亚密，周二(12日)再宣布2场明年初嘅亚洲之旅赛程，包括2月4日喺香港对港联前，先喺沙特阿拉伯斗C朗拿度领军嘅艾纳斯，两大「球王」再度碰头肯定成为球坛热话。
        国际迈亚密明年初展开亚洲之旅，上星期率先宣布2月4日会喺香港大球场，同由港超球员组成嘅选手队交手。呢支美职球队周二再透过社交网宣布，将会喺沙特阿拉伯踢2场热身赛，包括1月29日对希拉尔，2月1日再对艾纳斯。
        国际迈亚密总监基斯轩达臣表示：「呢啲比赛会为球队提供重大考验，对球队迎接新球季大有帮助，能够同希拉尔、艾纳斯呢啲强劲对手比赛令人兴奋。」据《ESPN》资料，美斯同C朗历来35次对垒，美斯嘅球队赢过16次，C朗嘅球队赢过10次，2大球王对上一次碰头，系今年1月利雅得明星队对巴黎圣日耳门(PSG)，当时PSG赢5比4。