沙特联赛总监：我哋想签奇云迪布尼！

xcy232323

       

        沙特阿拉伯联赛近年极速冒起，C朗、尼马及宾施马等世界级球星相继加盟，沙特联赛总监艾文拿路近日接受《天空体育》访问，直指正随曼城喺沙特踢世冠盃嘅奇云迪布尼，系沙特联赛未来希望签入嘅球星之一！
        曾经做过车路士总监嘅伊文拿路表示：「穆罕默德沙拿、美斯、奇云迪布尼、C朗、宾施马，呢种级数嘅球员系沙特希望引入嘅球员，当佢哋有可能转会，我哋一定会喺度。」32岁嘅奇云迪布尼虽然仲养紧伤，但亦有随曼城飞沙特出战世冠盃。
        奇云迪布尼同曼城合约喺2025年完结，据《TeamTalk》早前报道，艾纳斯对收购奇云迪布尼表示兴趣，成事嘅话就可以同C朗同沙迪奥文尼组成「梦幻三叉戟」。报道指曼城明年夏天如果放人，将要求6,000万镑(约5.94亿港元)转会费。