衞冕之师扑击冈比亚 塞内加尔细盘好过W

xcy232323

       


        今晚非国盃首轮继续有好戏码，其中夺标热门塞内加尔於C组登场面对冈比亚。虽然塞内加尔实力远胜冈比亚，但主W热到买唔落手，而且作为衞冕之师必成众矢之的，就算赢都唔会轻松，加上佢哋偏重防守嘅打法，宁捧2.5球入球细。（Now 638周一晚10时直播）
        塞内加尔上届决赛互射12码击败埃及，首度称霸非国盃，今届亦强阵出击，召入沙迪奥文尼、高列巴尼、尼高拉斯积逊、伊祖沙古尔、伊斯美拿沙亚等猛将，但要留意沙迪奥文尼、高列巴尼已赴水平较低嘅沙特搵食，难免有走下坡迹象，尼高拉斯积逊喺车仔以败家见称，唔多靠得住。而且衞冕之师压力唔细，其他球队都以追击佢哋为目标，好似前届盟主阿尔及利亚，上届分组赛包尾出局，所以塞军衞冕之路唔会轻松。塞内加尔近5场3胜1和1负，其中4场开2球或以下，可见佢哋重视防守，遇上弱旅冈比亚亦唔敢松懈，捧细盘好过买主W。
        同组另一场由喀麦隆硬撼畿内亚，喀麦隆虽然冇召老将箭头祖普莫亭，但仍有阿布巴卡、托高伊甘比等助阵，攻力有保证，不过如果由赶过去嘅奥拿拿把关，呢位曼联门将咁神经刀，好难保持清白之身。畿内亚近6场仅1败，其中5场都有波入，加上近3次交手未输过，全部半场开2球或以上，随时一开波即抢攻博大雾，1.5球半场大有计。