曼联重量级挖角！曼城大佬加盟做CEO

xcy232323

       

        曼联自新老板拉特克利夫上场後，管理层全面重组，球会周六(20日)宣布成功向死敌曼城挖角，请到贝拉达出任曼联CEO。46岁嘅贝拉达为曼城服务13年，近8年出任足球营运总监，曼城喺佢领导下成为欧洲霸主，管治能力大获好评，佢已即时向曼城辞职，将成拉特克利夫第1个重要任命。
        曼联官方声明表示：「贝拉达系欧洲其中一个最有经验嘅足球领导，佢会带嚟足球同商业上嘅专业，过去嘅成功就系最好证明，亦系印证曼联重新成为争标份子嘅决，好高兴贝拉达加入帮我哋达到目标。引用毕树比爵士名言：『让红色旗帜喺英国、欧洲、世界足球顶峰飘扬』！」
        贝拉达系曼城管理层核心人物，佢同行政总裁费兰苏利安奴一直负责转会同合约事宜，据报曼城能够签入艾宁夏兰特，贝拉达喺当中扮演关键角色。曼城亦发声明证实贝拉达已经辞职，消息指「蓝月亮」对佢加盟死对头并唔介怀，认为曼城已经建立深厚根基同架构，唔会因为1、2个人离开而受到动摇。