阿积士神锋拒绝坦哈格邀请：我换咗电话号码

xcy232323

       

        近期盛传曼联领队坦哈格计划今个月收购阿积士前锋拜仁博比，但呢位21岁荷兰国脚冇兴趣成「魔」，并强调自己换咗电话号码之後，一直冇同坦哈格联络，可见佢留队决心非常坚定。
        阿积士上仗荷甲以4比1大胜华域克，拜仁博比梅开二度，今季联赛上阵17场入11球，赛後佢被传媒问到有冇同坦哈格倾过加盟曼联嘅问题，呢位新星话：「曼联？我乜都唔知，只系睇报纸先至知道有关传闻，我以前会用WhatsApp同坦哈格交流，但我知道佢好忙，我已经换咗电话号码，冇再联络佢。」
        拜仁博比已经唔系第一次拒绝加盟曼联，2022年夏天曼联准备用1,600万镑(约1.6亿港元)向RB莱比锡收购拜仁博比，但佢选择重返阿积士，现时仲有3年半合约在身，坦哈格想签入呢位昔日旧部，恐怕唔容易。