艾沙比出手！先签拿杰迪锡 再斟迪基亚

xcy232323

       

        沙特阿拉伯球会喺冬季转会窗表现淡静，不过临近「闩窗」日子，艾沙比突然连环出招！据报艾沙比同倾担签入克罗地亚中场拿杰迪锡，依家再同自由身嘅门将迪基亚接洽，而且仲计划斟介米基尔阿米朗同薜耶治，雄心勃勃。
        艾沙比依家排沙特联中游，上年转会唔算活跃，最瞩目系签入比利时国脚恩历克卡拉斯高，估唔到「留力」今个月出招。转会权威Fabrizio Romano爆料，拿杰迪锡同西维尔都接纳艾比沙开价，周一(29日)会飞去做体测兼签约。
        英国《每日邮报》更透露，艾沙比已接洽自由身门将迪基亚，其实佢哋喺上年11月已曾接触呢位西班牙门神，依家就想正式拍板。报道指艾沙比仲同纽卡素斟介米基尔阿米朗，亦想签入目前被车路士外借加拉塔沙雷嘅薛耶治。