睇曼联要小心！Big6球迷血压红魔最高

xcy232323

       

        英国一间机构为英超球迷进行血压指数研究，研究发现，Big6中曼联球迷嘅危险指数最高，指数为37，最低系曼城，指数29，至於整个英超危险指数最高系卢顿，指数为52.5，最低系白礼顿，指数18。
        呢项研究系《每日邮报》联同机构Well Pharmacy合作进行，为英超球迷量血压，以检测各队球迷睇波时嘅危险指数，仲成立「血压联」，鼓励更多球迷量血压。
        研究发现，曼联喺英超各队中排第8，共24%球迷患有高血压，50%球迷睇波时压力沉重，危险指数37，亦系Big6球队中最高，曾患脑出血嘅费格逊绝对系高危人士，睇曼联比赛时要特别小心。
        至於同市死敌曼城在各队中排18，高血压球迷比率28%，睇波时感到压力沉重只有30%，危险指数29，相当轻松。