拜仁开始重建 同拉比奥特阿妈接触

xcy232323

       

        拜仁慕尼黑今轮联赛输畀波琴，各项赛事3连败，主帅杜曹有冇得捞仲要睇，但有消息指球队今夏势必重建，其中甘美治好大机会被清洗，将会向祖云达斯免费签入法国国脚拉比奥特，而且已经开始同佢阿妈接触。
        意大利着名记者斯基拉报道，拉比奥特同祖记合约至今年6月到期，到时又要搵班落，众所周知，想签该28岁中场必须要同佢阿妈兼经理人联络，据报拜仁已经同佢阿妈初步接触。
        拉比奥特又叫做「白普巴」，因为佢场外有唔少麻烦事迹，不过近年有所收歛，前年卡塔尔世盃表现出色，今季为祖记交出4入球3助攻，而据报拉比奥特将於5月前决定自己去向。