讲笑咋？拜仁搵苏斯克查顶杜曹！

xcy232323

       

        近期陷入危机嘅拜仁慕尼黑，虽然决定暂时唔炒教练杜曹，不过据德国传媒爆料，球会已经物色「临时教头」准备顶上，而曼联名将苏斯克查竟然成为热门人选！
        拜仁近期3连败，欧联同德甲争逐势危，高层目前计划系按兵不动，「正常」情况下想畀杜曹教到季尾先至换人，不过着名记者Florian Plettenberg爆料，拜仁同杜曹依家以「逐场睇」方式维持关系，情况稍为恶化就会决裂，所以球会亦准备Plan B，即系搵临时教头顶埋今季余下赛事。
        Florian Plettenberg指前教练费历克回巢已被否决，50岁嘅苏斯克查就成为主要目标，「苏B」自2021年11月被曼联炒鱿後一直待业，随时可以出山领军，事实上佢喺2018年底执教曼联嗰阵，最初亦系以「看守领队」身份暂代摩连奴，因成绩优异而转为长约。
        有趣嘅系，苏斯克查正正系1999年欧联决赛，为曼联绝杀拜仁慕尼黑捧盃嘅球员，估唔到25年後有机会做拜仁教练！报道指拜仁希望喺夏天物色顶级教练，利华古逊嘅沙比阿朗素系头号目标，而前皇家马德里教练施丹亦系候选人。