史达宁系英联盃福星 要挑战夺冠纪录

xcy232323

       

        车路士同利物浦将於周日(25日)晚11点开波嘅英联盃决赛交锋，车仔能否报番2022年决赛不敌红军之仇，就要睇史达宁表现，因为佢系「英联盃福星」，曾5次获得呢项锦标冠军奖牌，如果今次车仔捧盃，史达宁就可以追平2位前曼城队友阿古路、费兰甸奴，成为英联盃史上捧盃次数最多嘅球员之一。
        史达宁出身於利物浦，今仗倒戈斗母会，可以话系百感交杂，佢2015至22年效力曼城期间，捧过晒英超、英足盃、英联盃，单系英联盃已经5次夺冠。呢位29岁英格兰翼锋2022年7月转投车路士，上季表现欠佳，遭到唔少批评，幸好今季有改善，上阵23场英超入6球，已等於上季入波数字。
        愈来愈多声音呼吁英格兰主帅修夫基重召史达宁，但「修哥」仍有疑虑，所以史达宁更加需要以成绩证明实力，如果今场英联盃能够交出精彩表现，协助车仔夺冠，相信可以大大提升重返国家队，出战今夏欧国盃嘅机会。