坦哈格解释：安东尼状态不理想，科逊等新人值得机会

xcy232323

       


        曼联喺英超主场1比2不敌富咸，领队坦哈格今场排阵有惊喜，19岁新星科逊首度喺英超担正踢右翼，成功抢走贵价翼锋安东尼马菲奥斯嘅位置。更估唔到嘅系，坦哈格竟然喺99分钟先至换入该巴西球星，汗都冇流一滴已经完场。
        坦哈格赛前承认安东尼表现未符预期，今仗虽然系呢位翼锋24岁生日正日，但坦哈格就唔畀面，宁愿用19岁嘅科逊担正，80分钟换入翼锋亦先用阿密特迪亚路，到富咸领先2比1嗰阵，坦哈格先喺99分钟换入安东尼，作用当然系「零」，唔少球迷都指呢次换人对安东尼嚟讲系「耻辱」。
        坦哈格赛後解释：「(迟换人)无关健康问题，唔似其他位置，我哋右翼有好多选择。大家都睇到安东尼状态(唔理想)，佢需要提升表现，而且科逊、阿密特迪亚路、阿历真度加拿祖喺训练嘅表现，都值得有落场机会。」