入「厂」唔成 卢卡文要令阿迪达後悔

xcy232323

传盛阿仙奴主帅阿迪达今夏想收购阿特兰大翼锋卢卡文，但最後不了了之，两队将於周五(20日)凌晨欧联交锋，呢位26岁尼日利亚国脚豪言，已经准备好畀兵工厂见识佢嘅厉害。
卢卡文过去2季意甲入波都达双位数，上届欧霸盃有5球进帐，包括决赛上演「帽子戏法」，成为捧盃大功臣，并传出阿仙奴计划以4,200万镑(约4.3亿港元)收购佢，但最後贪平，向车路士借用史达宁。
卢卡文本身喺英国出世，曾经效力爱华顿，代表过英格兰U19至U21小国脚，2年前转为代表尼日利亚大国脚，佢对於未能重返英超，并唔感可惜，反而更加激励佢要击败阿仙奴嘅决心：「阿仙奴系强队，要赢佢哋并非易事，但我哋已经准备好，我哋会证明自己可以喺欧联立足。」卢卡文上场意甲入1球及1次助攻，协助阿特兰大以3比2击败费伦天拿，状态大勇，势必成为阿仙奴防线心腹大患。