马迪尔去希腊落班 仲要大幅降薪

xcy232323

离开曼联後一直搵唔到班落嘅安东尼马迪尔，近日终於有着落，据报佢同希腊球队AEK雅典达成口头协议，稍後签约作实，希腊球队资源有限，好难高薪签巨星，安东尼马迪尔嘅周薪降到4.8万镑(约48万港元)，比曼联时期大减8成。
28岁嘅安东尼马迪尔在曼联周薪高达25万镑(约250万港元)，由於回复自由身，佢一直希望搵一间可以承担佢高人工嘅球队，不过一直冇着落，欧洲豪门唔要佢，就连最叠水嘅沙特都并无向佢开价，结果夏窗结束後佢仍然冇班落。
多间传媒证实，AEK雅典同安东尼马迪尔达成口头协议，将签约3年，不过年薪只得250万镑，周薪大约为4.8万镑，只及曼联时嘅25万镑周薪不足20%，但系佢已经冇得选择，一系签，一系继续失业。