【有片】史达宁练波着火 佢会踢边个位？

xcy232323

阿仙奴喺转会窗关闭前，成功由车路士借用史达宁，呢位英格兰翼锋周三(4日)首度跟队练波，阿仙奴发布嘅影片所见，史达宁踢到「着晒火」状态极佳，而佢喺首课练习入面定位右翼，预计会系布卡约沙卡嘅主要替补。
史达宁日前落实会着30号波衫，首课练习入面同唔使踢国际赛嘅加比尔马天尼利、李安度杜沙特合组锋线，史达宁喺右路同宾韦特合作，表现相当抢镜。阿仙奴免费借用史达宁，而且只要负担佢唔使一半嘅人工，非常抵玩。
史达宁练波影片：https://twitter.com/i/status/1831392520712155306　
可以胜任锋线3个位置嘅史达宁，主要会分担布卡约沙卡右路攻击重任，不过下场联赛作客热刺，喺迪格兰赖斯停赛下，夏维斯好可能会移後担任中场，史达宁嘅首演可能会以箭头身份上阵。