作客留前斗後 保地花高半和有数「维」

xcy232323

巴甲继续开快车，几支前列分子齐齐出击，其中次席保地花高作客维多利亚。保地花高每逢客场都玩留前斗後，造访主场唔曳嘅维多利亚，一定小心为上，半场和值得捧场。（周五早上8时30分开赛）
今季巴甲前面争崩头，榜首3雄法林明高、保地花高、彭美拉斯之间，只系相差1分，听朝3队都有比赛，集中火力讲讲保地花高作客维多利亚。保地花高系一支精於计算嘅球队，往往想用最经济实惠嘅方法换取分数，初段会留住嚟踢，尽量消耗对手体力，易边後先见真章同你死过，佢哋踢咗15轮联赛，竟有10次开半场和，若果单计近8轮客场，半场录得7和1负未赢过，但你咪理，佢哋呢8轮作客最终获4胜2和2负，取得14分绝对唔差，睇嚟呢招留前斗後都几奏效。
另边厢，维多利亚虽然只徘徊中下游，但今季4场联赛胜仗，有3次系来自主场，包括击败实力唔曳嘅基斯奥马同国际体育会，不容小觑，保地花高更加唔敢轻举妄动。翻查纪录，双方近4次正面交锋，亦有3次开半场和，可见每次碰头，大家初段都小心翼翼，半场和不妨追多铺。
更多赔率：
https://bet.hkjc.com/football/odds/odds_allodds.aspx?lang=CH&tmatchid=50030700&tournid=50027358