点样处置沙拿？高普咁回应

xcy232323

利物浦上场英超对韦斯咸，发生领队高普同射手穆罕默德沙拿激烈争吵一幕，令人怀疑两人关系破裂。不过，红军周日(5日)晚出战热刺前夕，高普表示问题已经解决，大家互相尊重，关系仍然良好。
高普出席记者会期间，被问到同沙拿争吵事件，佢话：「呢件事已经解决，冇晒问题，如果我哋认识冇耐，我就唔知点去解决，但我哋已经识咗好耐，大家互相尊重，简单来讲，如果球队处於最佳状态，赢好多比赛，入好多波，类似问题就唔会发生。」
至於穆罕默德沙拿会唔会复任正选对热刺，高普就话：「余下3场联赛，你觉得我会一反常态，透露全部正选阵容咩？」沙拿近日操练时，笑容满脸，相信已经同高普冰释前嫌。