近5次碰头白礼顿全败 维拉平手盘收礼

xcy232323

英超头场，白礼顿主场硬撼阿士东维拉。白礼顿犹如泄气皮球，表现大跌Watt，相反维拉手握争前4主动权，一定搏老命，加上近年交手食住「海鸥」，平手盘必捧维拉。（Now 622周日晚9时直播）
原本季初异军突起嘅白礼顿，随住伤兵渐多，凸显板櫈深度不足问题外，明显唔擅於多线作战。「海鸥」之前要兼顾埋欧霸疲於奔命，就算佢哋喺3月中欧霸已经出局，但冇晒目标反而更颓，近6场只得2和4负未赢过，其中4场仲食白果，对於崇尚进攻嘅主帅迪萨比嚟讲，非常讽刺，同时亦反映出佢现时困境束手无策。
维拉日前欧协联4强首回合倒灶以2比4输畀奥林比亚高斯，嚟紧周中又要打次回合，到底主帅艾美利会觉得欧协联冠军，定系争前4嘅欧联入场券紧要啲？你同我都识拣喇，更何况系艾美利。
随住热刺上周中不敌车路士，维拉依家打多1场情况下，领先紧「5哥」热刺7分，而且热刺仲要斗利物浦同曼城两场劲恶踢嘅赛事，只要维拉做好赢波本分，下届欧联入场券应该坐定粒六，一定搏埋佢。况且佢哋专捉「海鸥」，近5次联赛碰头，维拉赢晒兼共轰14粒，摆明格食格，今场仲有平手盘咁笋，唔系唔撑佢哋呀？
更多赔率：
https://bet.hkjc.com/football/odds/odds_allodds.aspx?lang=CH&tmatchid=50015813&tournid=2024-05-05