阿仙奴秘密武器？14岁新星获提升上一队操练

xcy232323

阿仙奴将於周六(4日)晚英超主场对般尼茅夫，球队近日操练多咗1位陌生面孔，就系年仅14岁嘅U18青年军球员麦斯唐文。呢位小朋友可以获得领队阿迪达垂青，证明并非池中物，备受睇好将来可以成为兵工厂灵魂人物。
麦斯唐文可以胜任进攻中场及翼锋，虽然只系14岁，但身材高大，即使同一队球员操练，体型都唔输蚀。麦斯唐文踢U18赛事，更加大超班，早前对富咸U18，佢贡献4次助攻，协助阿仙奴U18大胜5比2。
阿仙奴U18青年军主帅韦舒亚曾经表示，麦斯唐文将会成为球坛冒起速度最快嘅新星，有能力「跳级」升上一队比赛。麦斯唐文现时可以同一队操练，距离踢英超又行近一步。