尼日利亚挖角 居迪斯锺斯踢超霸鹰？

xcy232323

       

        今季喺利物浦渐受重用嘅居迪斯锺斯，一直未得到英格兰国家队垂青，据报尼日利亚足总正力邀居迪斯锺斯「入籍」，呢位利物浦球星可以透过祖父母获得尼日利亚籍，佢嘅发言人亦表示唔排除「转会」可能性。
        22岁嘅居迪斯钟斯今个夏天帮英格兰赢U21欧国盃冠军，但至少仍未为大国脚上阵，尼日利亚喺葡萄牙主帅比斯路嘅新方针下，不断物色有资格代表「超霸鹰」嘅球员加入，前德国青年军球员佐敦多鲁拿加夏最近就答应加入，而居迪斯钟斯亦系尼日利亚重点挖角目标。
        居迪斯锺斯发言人表示：「佢当然留意到踢尼日利亚嘅可能性，不过佢喺英国长大，之前都冇谂个呢个问题，但将来嘅事冇人可以讲实。」