【有片】夏萨特退休即脚痕 助攻麦巴比老窦

xcy232323

       

        上星期宣布退休嘅比利时球星夏萨特，挂靴1个星期左右即刻脚痕，周四(19日)凌晨喺法国参加一场慈善场，有入波之余仲交出精彩助攻，後脚妙传基利安麦巴比嘅老窦射入！
        呢场喺法国加来举行嘅慈善赛星光熠熠，除咗夏萨特之外，仲有皮利斯、迪甘斯、古利、卡林保、卡比耶、白兰斯、列文、云拜顿等球星，就连基利安麦巴比嘅老窦Wilfried都有落场。夏萨特今场喺禁区内射入1球，仲有後脚妙传Wilfried单刀射入，相当精彩。
        现年32岁嘅夏萨特，赛後再次解释提早退休嘅决定：「我一直都话，当我感受唔到踢波嘅快乐就会停低，我唔想为咗钱而去踢波，我已经唔再享受操练，解决方法只有一个，非常简单。」