赖斯「碧咸式」远射入波 阿仙奴逼和车路士

xcy232323

       

        周日(22日)凌晨英超「伦敦打吡」，车路士喺主场领先2球嘅大好形势下，被阿仙奴逼和2比2。阿仙奴今场表现差劲，全靠中场迪格兰赖斯一记「碧咸式」远射打醒，先至得以上演绝地反击，继续保持今季联赛不败之身。
        车路士今场改踢无锋阵，表现明显好过客队，15分钟就博到12码，由高尔彭马主射先开纪录；换边後3分钟车仔再下一城，梅迪历左路传中「挞Q」反而笠入远柱。一直制造唔到入肉埋门嘅阿仙奴，77分钟籍车路士门将罗拔山齐士误传，离门超过30码第一时间抽入空门，呢球亦打起阿仙奴斗志，84分钟由李安度杜沙特近门建功，追平2比2完场。
        迪格兰赖斯赛後表示今场入波，多得前一晚睇碧咸纪录片启发：「大家都讲紧碧咸套纪录片，我寻晚第1次睇，头几幕就系碧咸嘅远程笠射。一个球员经常要喺电光火石之间做决定，杜沙特喺前面冇人看管，但我决定自己射，睇番重播的确系一次精彩射门，我好开心，最重要系揭开咗反击序幕。」