里昂队巴被袭 格罗素血流披面 赛事取消

xcy232323

       

        原定周日(29日)上演嘅法甲大战马赛对里昂，赛前出现暴力袭击事件，里昂队巴进入比赛场地嗰阵被球迷掟石头袭击，里昂教练格罗素受伤血流披面，最後要由担架送去医院治疗，呢场联赛亦宣告取消。
        里昂大军坐巴士去到马赛主场外，突然被球迷掟石头攻击，据报至少4块玻璃被掟爆，意大利藉教练格罗素被玻璃碎片割伤面部同手部，助教朗高亦有受伤。格罗素入到球场後，被影到成面同手都系血，之後更出现头晕，要瞓担架床去医院。
        据报赛前有6部载住里昂球迷嘅巴士都到袭击，里昂原本都想继续比赛，但发生格罗素同朗高受伤事件後，决定要求取消比赛，里昂会长泰斯达表示：「格罗素连讲嘢都讲唔到，佢块面有玻璃碎片，我真系好愤怒！当队巴玻璃被打烂，就有各种物品掟入嚟，有啤酒樽打中格罗素额头。」马赛同样谴责球迷暴行。