英超早场 狼队斗热刺抢分入球骚

xcy232323

       


        星期六(11日)晚英超早场，狼队主场迎战啱啱被破不败身嘅热刺。热刺今季喺澳洲领队普斯迪高路带领下，表现脱胎换骨，坚定不移嘅进攻理念更大获好评，今仗後防残阵下作战，好大机会出现大手交易，捧2.5球入球大最稳阵。(Now 621及611周六晚8时30分直播)
        热刺今季贯彻高位逼抢踢法，上场喺9人应战下被车路士打破今季不败身，但踢少两个下仍然冇放弃进攻，虽然最终大败1比4，但呢种「打死罢就」嘅进攻决心就获得支持。
        热刺今仗防线穿大窿，一对正选中坚基斯甸罗美路要停赛、而云迪尹就受咗伤，加上左闸乌杜治坐埋波监，以攻代守系球队唯一方法。
        主场出击嘅狼队同样系进攻型踢法，近6场比赛有5场总入球开3球或以上，今仗肯定会尽力抢攻，趁热刺後防残阵搵着数。狼队嘅南韩前锋黄喜灿今季相当抢镜，连续6场联赛主场都有波入，今场同南韩国家队队友孙兴民大斗法肯定精彩，入球陆续有嚟！