桑治宣布挂靴 收山前2夺联赛冠军

xcy232323

       


        曾经效力阿仙奴、巴塞隆拿嘅喀麦隆中场桑治，周三(15日)喺社交网宣布结束球员生涯。现年36岁嘅桑治近年绝迹顶级联赛，但原来过去3年去咗东非国家吉布提落班，而且更2度赢得联赛冠军，可以话系光荣引退。
        桑治喺声明表示：「我嘅旅程由细细个赤脚踢波开始，去法国踢波对我嚟讲已经系个奇迹，但原来只系故事起点，我之後效力阿仙奴同巴塞隆拿，两间世界最大嘅球会之一。过程中好多人帮助过我，当然查顿尔、韦斯咸、鲁宾卡山、锡永、Arta/Solar 7都会喺我心入面，我好荣幸可以代表喀麦隆国家队，我会珍惜所有足球带畀我嘅嘢。」
        桑治虽然喺欧洲打滚多年，但只系喺2013年赢过1次西甲冠军，不过佢2000年转战吉布提，就以队长身份带领Arta/Solar 7连夺2次联赛冠军。