阿仙奴伤疲尽起 够赢宾福特

xcy232323

       


        英超「伦敦打吡」，宾福特主场迎战阿仙奴，作客嘅「兵工厂」克服小低潮，国际赛前已经全面回勇，加上多名进攻主力伤愈复出，今场可以秤高一线，客胜放心捧。
        阿仙奴喺国际赛前2连胜，依家只落後榜首曼城1分，喺欧联亦稳坐榜首，球员信心十足。国际赛期间，中场马田奥迪加特同前锋加比尔捷西斯都已伤愈，今场可以候命，「兵工厂」火力大大提升。
        阿仙奴今季加入迪格兰赖斯同夏维斯後，高度同硬净度大大提升，面对体力化嘅宾福特都唔会输蚀。阿仙奴季初喺英联盃曾作客1比0淘汰宾福特，近年对赛亦食住对手，近4次交锋有3胜1和佳绩。
        宾福特上仗惨吞利物浦3蛋，後防面对快速锋线出现唔少错漏，尤其两闸域高亨利同艾朗希基受伤，随时成为致命漏洞，今仗对住火力强劲嘅阿仙奴危危乎，客胜值得捧场。