阿根廷星2代斗法 皇马新人王射爆拿玻里

xcy232323

       

        周四(30日)凌晨欧联C组榜首大战，皇家马德里主场4比2反胜拿玻里，顺利锁定首名资格晋级16强。今场比赛有2位阿根廷「名将之後」入波，其中19岁新星尼高柏斯攻入佢喺皇家马德里第1球，意外成为赢波英雄。
        今场两队节奏明快，拿玻里9分钟由基奥云尼施蒙尼入波领先，皇马好快就由洛迪高高斯同祖迪比宁咸入波反超前，拿玻里换边後2分钟由森保安古沙追成2比2，当两队一直僵持不下，19岁嘅尼高柏斯喺84分钟个人表演，禁区外灵巧转身再割草式抽入，皇马补时再由祖斯奴锁定4比2胜局。
        尼高柏斯系皇马青训产品，爸爸柏保路柏斯系前阿根廷国脚，喺98世界盃同施蒙尼(基奥云尼施蒙尼爸爸)份属队友，今仗呢个入球系尼高柏斯升上一队後首个入波，亦令佢以19岁82日之龄，成为美斯之後第2年轻喺欧联入波嘅阿根廷球员。
        皇马教练安察洛堤赛後表示：「今场比赛势均力敌，我咃防守可以做得更好。对尼高柏斯嚟讲今仗好特别，佢系皇家马德里嘅未来，具备成为皇马球员嘅质素，今仗佢就喺最重要嘅时刻为球队带嚟重大贡献。」