驳唔到！高普寸爆：好彩签唔到卡些度！

xcy232323

       


        利物浦今季全面复苏，依家喺联赛占据榜首位置，领队高普周二(11日)出席晏菲路球场新看台开幕仪式，同一众利迷倾偈期间突然「寸王」上身，讲到今个夏天转会操作，直言签唔到目标摩西斯卡些度同罗美奥拉维亚系「行大运」！
        利物浦夏天重建中场，佐敦轩达臣、法宾奴、占士米拿同阿历士张伯伦等相继离队，原本头号收购目标系摩西斯卡些度，「红军」亦开价超过1亿镑抢人，结果最後关头被车路士「截胡」，就连次选目标罗美奥拉维亚都被车路士抢走埋。最终利物浦签入日本中场远藤航同荷兰中场赖恩格云贝治。
        高普喺晏菲路球场回答转会问题表示：「夏天转会发生咗几件怪事，但我依家可以讲『天呀！我哋行大运』！我哋当然知道有啲防守中场唔想加盟利物浦，结果系点大家都知，跟住我哋发现远藤航，一个好出色嘅球员。当时我哋唔觉得(行运)，但依家对个结果好满意。」