【亚洲盃】南韩大盘手到拿「来」

xcy232323

       

        南韩喺亚洲盃E组最後一轮，遇上两战全败提早出局嘅马来西亚，堪称不胜无归。不过主胜同半场主胜赔率同样热到辣手，睇番「太极虎」近绩，近7场有5次开4球或以上，嚟到接近淘汰赛阶段，士气好紧要，呢场唔单止赢，仲应该会大炒，3.5球入球大玩得过。（周四晚7时30分开赛）
        南韩上场同约旦踢成2比2，虽然赛後出现各种走线「阴谋论」，话佢哋唔想出线後太早对日本，但如果「太极虎」真系要走线，就冇必要攻到补时追和，今仗分组煞科战必定全力争胜，战意唔使怀疑。现时手执4分嘅南韩，目标当然系夺冠，球队火力强大，李康仁及李在城喺两翼策动攻势，头两场分组赛见到两人制造到不少机会，曹圭成同孙兴民只要脚风顺番啲，入2、3粒应该无问题。
        马来西亚分组赛两战全败注定出局，今场如果「泊大巴」一样会畀南韩搓死，倒不如放手一搏争取吓入波。事实上南韩防线唔算稳阵，两场分组赛都有失波，马来西亚并非冇机会，今场推介大家玩入球大。