丹尼尔强奸罪成 判监4年零6个月

xcy232323

       

        周四（22日）西班牙法庭就前巴西国脚丹尼尔涉嫌强奸一案，裁定呢位球星罪名成立，判佢入狱4年零6个月。
        现年40岁嘅丹尼尔，被控於2022年12月喺巴塞隆拿一间夜店性侵及袭击一名23岁女子。丹尼尔予以否认，期间佢不断改口供，最初话唔识女事主，之後又话同女事主有面之缘，并称当日自己饮大咗，其後又承认系双方同意下进行性交 ，强调冇强奸对方，不过法医嘅证供指饮酒後对佢认知能力，只有轻微影响。丹尼尔自从上年1月便被拘留及不准保释，虽然多次甲请假释，都未获批准，检控官更要求法庭判处9年刑期，而女事主嘅代表律师更要求判佢坐12年监，最终被判入狱4年零6个月，以及要赔偿15万欧元畀女事主。
        丹尼尔曾效力巴塞隆拿、祖云达斯及巴黎圣日耳门等豪门，职业生涯共赢得41座奖盃，巅峰时期绝对系世界最强右後衞之一，佢亦曾代表巴西国家队上阵128场，仅次於卡福同尼马，如今色字头上一把刀，衰强奸搞到身败名裂。