玩交友网出事 比锡达斯同新星解约

xcy232323

       


        时下唔少年轻人都锺意玩交友网站，土耳其新星迪利巴斯最近就「玩出祸」，传闻佢因为喺交友网嘅介绍入面虚报年龄，结果被土超劲旅比锡达斯解约。
        21岁嘅迪利巴斯喺比锡达斯青训出身，曾踢过土耳其U19国家队，日前突然被球会解约，比锡达斯声明话：「球会同迪利巴斯达成解约协议，祝佢之後获得成功。」
        虽然比锡达斯冇解释原因，但网上即传出一张疑似迪利巴斯喺交友网Bumble嘅个人档案截图，入面佢介绍自己系比锡达斯职业球员，但就报称自己24岁，希望寻找「休闲关系」。
        传闻比锡达斯系对事件不满而同佢解约，不过迪利巴斯就否认：「呢个系假帐户，亦否定所有对我嘅诽谤，我对比锡达斯一直非常忠心。」