皇帝享受！摩连奴住土耳其「皇宫」

xcy232323

摩连奴将率领费伦巴治迎战旧主曼联，成为球坛焦点，传媒专程挖掘「寸王」在土耳其生活情况，发现佢过住皇帝式生活，因为佢住喺一座由「皇宫」改建嘅酒店。
摩连奴喺土耳其伊斯坦布尔所居住嘅其实系四季酒店，嗰度前身系皇宫，费伦巴治曾建议帮佢租屋，但被拒绝，摩dad认为住喺呢间豪华酒店，有专人服侍，令佢可以更专心投入教波。
该酒店最平房间每日收费为1,000欧元(约8,400港元)，厅大房大，有齐室内同室外泳池，方便摩帅每朝游早水。据报摩佬虽然住皇宫，但每日生活公式化，晚餐每晚都一样，佢只会点三款食物，就系鸡汤、薄饼同雪糕梳打。