乌加迪「魔性澎湃」 浴血球场坚持比赛

xcy232323

曼联喺英联盃大胜班士利7比0，中场新兵文路尔乌加迪首次担任正选，表现非常落力，即使被对手踢到脚部流血，仍然坚持比赛，获曼联球迷激赞「魔性澎湃」。
文路尔乌加迪当时被班士利中场卢卡干尼嘅鞋底踢中，右脚近膝部位置出现伤口流血，需要离场治理。其後呢位23岁乌拉圭国脚重返球场比赛，斗心十足，唔少曼联球迷喺网上发文，大赞文路尔乌加迪，包括话：「唔敢相信乌加迪继续比赛」、「对球队充满热诚」、「佢就系曼联最需要嘅人」、「球场上真正勇士」。
虽然文路尔乌加迪今场只系踢咗62分钟就被换走，但已经成功俘虏一众红魔鬼球迷嘅心。