卡斯米路成箭靶 老婆用一张相大反击

xcy232323

曼联中场卡斯米路上场英超2次犯错，成为球队0比3不敌利物浦嘅大罪人，遭舆论猛烈批评。「卡嫂」Anna Mariana为老公感到不值，并作出反击，上载一张卡斯米路球员生涯捧过嘅奖盃照片到社交网，展示呢位巴西球星嘅伟大成就。
卡斯米路上仗连番甩漏，导致曼联上半场落後2球，结果半场休息後，领队坦哈格立即用20岁小将高利亚入替卡斯米路，对於呢位32岁名将实在系一大侮辱。
传媒、球迷、网民纷纷批评卡斯米路表现差，冇能力再踢正选。不过，Anna Mariana力撑老将，上载一张奖盃大合照，包括5座欧联、3座世冠盃等锦标，要令批评者睇清楚卡斯米路嘅成就，必须获得尊重。
其实卡斯米路上季水准已严重下滑，加上周薪高达35万镑(约360万港元)，曼联今夏一直有意出售佢，但搵唔到买家，焗住留用，结果又出事，曼联早前签入文路尔乌加迪，将用呢位乌拉圭国脚取代卡斯米路。