摩连奴闹球证系「祖记派嚟」手尾长

xcy232323

       

        「寸王」摩连奴再次祸从口出！上周末意甲赛事，罗马主场2比2赛和维罗纳。比赛中强烈投诉、因怒斥球证系「祖记派嚟嘅特务」而领红被逐嘅摩连奴，据闻已被纪律小组盯紧，面对3场「波监」嘅惩罚。
        上周末罗马主场迎战维罗纳，喺先失两球嘅情况下，易边後追番两粒扳平，但最後都系失分，现以41分排联赛榜第8，落後第4嘅祖云达斯6分。而出名多口嘅罗马领队摩连奴，喺比赛途中不断投斥球证帕伊雷托嘅判定，更做出「打电话」手势，讽刺球证嘅爸爸曾牵涉2006年意甲「电话门」丑闻，之後佢更因大脚踢走个波而领红被逐。
        而呢件事绝对令摩连奴有手尾跟，据意大利传媒报导，摩连奴当时仲向球证直斥「你系祖云达斯派嚟嘅，佢哋故意指令你做嘢！」而呢句说话已全部被场监摘录落嚟，更有可能向佢发出3场停赛令。