干拿迪两项惊人纪录：为赢波我唔介意断缆

xcy232323

       


        英足盃决赛周六（14日）晚喺温布莱球场上演，利物浦後衞伊巴希马干拿迪赛前被发现两项惊人数据，今季佢上阵嘅所有比赛，「红军」都能保持不败；而佢喺温布莱比赛嘅入球机率更加系100%。不过呢位法国中坚就话，唔介意自己嘅纪录断缆，只希望帮球队赢冠军。
        伊巴希马干拿迪季初由莱比锡转投过嚟，虽然未能成为必然正选，但佢每次喺呢个英格兰国家队嘅主场比赛时，都能够取得入波，包括英足盃4强淘汰曼城嗰场入面顶入角球，以及英联盃决赛12码阶段入面射入。而且根据纪录，今季每当干拿迪在阵嘅时候，利物浦都能够保持不败，简直系球队嘅「福星」。
        佢日前受访时对此表示，唔介意自己延续唔到呢项纪录：「今场系一场大战，赢一球就足够，不论系边个入波都好，最重要系赢波，然後返利市庆祝胜利。」呢位22岁法国青年队成员仲话，球队目前嘅士气相当高昂，一齐面向冠军嘅目标进发：「我嘅目标系帮助到队波，呢支球队有好强烈嘅理念，教练亦都好信任我，现在最需要嘅系表现好啲同争胜。」