曼联下一个考验 翻生神龙Kepa

xcy232323

       

        曼联嚟紧火并车路士系英超前4关键战，今仗其中一个焦点，将会系车仔门将阿列沙巴拿加嘅演出，呢位西班牙门将近期由胶龙变神龙，唔经唔觉已经连续5仗不失球，曼联想入佢波睇怕冇咁易。
        Kepa喺车仔生涯起伏不定，2019年英联盃决赛因拒绝被时任主帅沙利换出，最终失盃留下污点，之後因多次派胶，会方签入艾度亚文迪後沦为後备，上季英联盃对利物浦又射失12码失盃，正宗悲剧人物。
        不过近期佢终於转运，杜曹被炒朴达接手，Kepa获重用，近期神救不断，包括两度零封AC米兰，近3仗英超0失球，对上一个失波系10月初对水晶宫。
        英超数据显示，Kepa喺英超上阵4场，录得1失球、3场零封、扑救16次，扑救成功率高达94.1%，近期对阿士东维拉同宾福特都作出神救，踢到上晒身，嚟紧呢场守唔守得住曼联？